Жоғары лигада тур «Интеграция-МТС» пен «СДЮШОР-Ветераны» арасындағы матчпен басталды. Шабуылда белсенді ойын көрсеткен «Интеграция-МТС» 12:7 есебімен сенімді жеңіске жетіп, турнир кестесінің жоғарғы бөлігіндегі позициясын нығайтты.
Турдың орталық кездесуі МФК «Горняк» пен «Wooppay» арасында өтті. Ұйымшыл әрі нәтижелі ойын өрнегін көрсеткен «Wooppay» 20:8 есебімен ірі жеңіске қол жеткізді.
«STU ADS (ПОЛИТЕХ)» командасы да өз матчын сенімді өткізді. Команда МФК «КАРАГАНДИНЕЦ»-ті 8:2 есебімен ұтып, қарсыластар тобындағы орнын күшейтті. «AVTOKING» пен МФК «Тулпар-1» арасындағы кездесу тартысты өтті. 6:4 есебімен «AVTOKING» жеңіске жетті. Жеңіліске қарамастан, «Тулпар-1» үздік үштік үшін күрестегі мүмкіндігін сақтап отыр.
Турдың басты матчында «Локомотив-КАЗПРОФЖЕЛ» чемпионат көшбасшысы «45 KVARTAL»-ды 5:3 есебімен жеңді. Теміржолшылар маңызды ұпайларға қол жеткізіп, турнир кестесінің жоғарғы бөлігіндегі тартысты одан әрі күшейтті.
Жоғары лиганың үздік сұрмергендері:
Богдан Новиков («45 KVARTAL») - 42 мяча
Сергей Лунев («Wooppay») - 42 мяча
Бірінші лигада тур шын мәнінде тартысты өтті. «Ногу свело» командасы «KROSSFIN»-нің қарқынды шабуылына төтеп бере алмады. Кездесудің алғашқы минуттарынан бастаманы қолға алған «KROSSFIN» қарсыласына мүмкіндік бермей, 13:0 есебімен жеңіске жетті.
МФК «Тулпар-2» мен «СМ 12 месяцев» арасындағы матчта есеп алма-кезек өзгеріп отырды. Ойын соңында «Тулпар-2» 6:5 есебімен басым болып шықты.
«Bounty-ОНП» пен «Valua» арасындағы кездесу ашық стильде өтті. Дегенмен, сәттілік пен дәлдік «Valua» жағында болып, олар 7:4 есебімен басым түсті. «ALL STARS» «Ansaroff»-қа 3:7 есебімен есе жіберді.
«STU ADS-2 (ПОЛИТЕХНИК)» пен «Карсити» арасындағы матч соңғы минуттарға дейін шиеленісті сақтады. Қос команда да шабуылға ден қойды, алайда шешуші сәтте «Карсити» мергендік танытып, 6:5 есебімен жеңіске жетті.
«Новодолинка» мен «OUTSIDERS» арасындағы тартысты кездесуде тағдырды бір ғана гол шешті - 8:7 есебімен «OUTSIDERS» жеңіске жетті. «KKZ» пен «Silk Road electroniks» шабуылға құрылған нәтижелі ойын көрсетті. 10:7 есебімен «KKZ» басым түсті.
«Тумар 49» «AR-NAMIS»-ке қарсы матчта ойын тізгінін толық бақылауда ұстап, 5:2 есебімен сенімді жеңіске жетті. MFC «NOMAD» қатысқан кездесу техникалық нәтижемен - 5:0 есебімен аяқталды.
Бірінші лиганың үздік сұрмергені:
Мерей Кутымбетов («Тумар 49») - 45 гол
13-ші тур екі лигада да бәсекені күшейте түсті. Көшбасшылар ұпай жинауды жалғастырып жатқанымен, тікелей кездесулер маусым соңына дейінгі күрестің аса тартысты болатынын көрсетіп отыр.
