Жоғары лигадағы ойындар өте қызықты әрі тартысты өтті. Командалар тек қорғаныста жатпай, батыл шабуылдап, өз ойындарын жүргізуге тырысты. Осындай ашық матчтың арқасында қауіпті сәттер көп болып, есеп те ірі болды.
10-шы турдың орталық матчында турнир тізгінін ұстап тұрған «45 KVARTAL» айқын басымдық көрсетті. МФК «Горняк» қақпасына жауапсыз 24 гол соққан көшбасшылар, турнир кестесіндегі орнын одан ары нығайтты.
Сондай-ақ «Локомотив-КАЗПРОФТРАНС» пен «Woopay» командалары арасындағы ойын жанкүйерлердің ерекше қызығушылығын тудырды. Тартысты өткен ойында «Локомотив» 12:9 есебімен жеңіске жетті.
Ал «СДЮШОР-Ветераны» мен МФК «Тулпар-1» арасындағы кездесуде «Тулпар-1» 10:4 есебімен басым түсті.
«AVTOKING» пен МФК «Карагандинец» арасындағы матч 3:3 есебімен тең аяқталды. Ал «Интеграция-МТС» пен «STU ADS (Политех)» командаларының ойынында «Интеграция-МТС» 8:5 есебімен жеңіске жетті.
Он тур қорытындысы бойынша Жоғары лига турнир кестесінің көшін «45 KVARTAL» бастап тұр. Одан кейінгі орындарда МФК «Тулпар-1», «AVTOKING» және «Интеграция-МТС» орналасып, жоғарғы орындар үшін тартысты бәсекені жалғастырып келеді.
Жоғары лиганың үздік сұрмергені — Богдан Новиков («45 KVARTAL»), 38 гол.
Бірінші лигада да тур жоғары нәтижелілігімен ерекшеленді. Командалар шабуылда белсенді ойын көрсетіп, жанкүйерлерді соғылған голдармен жиі қуантты.
«Тумар 49» командасы MFC «NOMAD»-ты 31:8 есебімен ойсырата жеңді. Сондай-ақ СМ «12 месяцев» ұжымы «Bounty-ОНП»-тан 13:8 есебімен басым түсті. Тартымды өткен кездесулерде «KKZ» «Ногу свело» командасын 11:5 есебімен жеңсе, «ALL STARS» «Silk Road electronics»-ті дәл осындай есеппен — 11:5 ұтты.
Сонымен қатар «Авангард», «Valua», «Новодолинка» және «OUTSIDERS» командалары да өз матчтарында жеңіске жетіп, маңызды ұпайларға қол жеткізді.
Он турдан кейін Бірінші лига турнир кестесінде «Тумар 49» көш бастап келеді. Одан кейін «OUTSIDERS», СМ «12 месяцев» және «Valua» командалары орналасып, жоғарғы орындар үшін күрестегі интриганы сақтап отыр.
Бірінші лиганың үздік бомбардирі — Мерей Кутымбетов («Тумар 49»), 38 гол.
