Freedom компаниясының қолдауымен QOFA өңірдегі төрешілер корпусын әлемдік деңгейде мойындалған Macron брендінің заманауи спорттық киімімен қамтамасыз етті. Жоба аясында толық спорттық киім жиынтығы 80 төрешіге, сондай-ақ ұйымдастыру комитетінің 20 өкіліне, оның ішінде инспекторлар, бас төрешілер және фитнес-нұсқаушыға табысталды.
Жаңа киім төрешілердің футбол, шағын футбол және футзал жарыстарында, сондай-ақ балалар мен ересектер арасындағы түрлі деңгейдегі турнирлерде, соның ішінде Қазақстанның әуесқойлар чемпионаттарында қызмет атқаруына арналған. Әрбір жиынтыққа төрешілік, жаттығу және салтанатты киімдермен қатар, маусым бойы үздіксіз жұмыс істеуге қажетті барлық керек-жарақ енгізілген.
«Төреші алаңға өз міндетін мінсіз атқаруға толық дайын күйде шығуы керек. Сондықтан біз олардың кәсіби қызметіне қажетті барлық жағдайды жасауға басымдық береміз. Бүгін олар Еуропаның ең беделді жарыстарында қызмет ететін төрешілер пайдаланатын деңгейдегі спорттық киімге ие болды. Бұл – төрешілер корпусын дамытуға және өңірдегі футбол сапасын жаңа деңгейге көтеруге бағытталған маңызды қадам.»
Жобада спорттық киімнің сапасы мен халықаралық беделіне ерекше мән берілді. Осыған байланысты UEFA төрешілерінің ресми серіктесі саналатын италиялық Macron бренді таңдалды. Бұл компанияның өнімдерін Чемпиондар лигасы, Еуропа чемпионаты және UEFA ұйымдастыратын өзге де халықаралық турнирлердің төрешілері пайдаланады. Сонымен қатар, Macron Англияның «Кристал Пэлас», Испанияның «Реал Сосьедад» секілді танымал футбол клубтарының техникалық серіктесі ретінде де белгілі.
Сала мамандарының пікірінше, бірыңғай кәсіби киім үлгісі төрешілердің мәртебесін айқындап қана қоймай, жарыстарды ұйымдастыру мәдениетін жаңа деңгейге көтеруге ықпал етеді. Бұл бастама Қарағанды облысында төрешілер институтын нығайтып, футбол инфрақұрылымын жүйелі дамытуға бағытталған нақты қадамдардың бірі саналады.
Жаңартылған спорттық киім енді QOFA ұйымдастыратын барлық ресми жарыстарда және Қарағанды облысының төрешілері қызмет көрсететін өзге де турнирлерде пайдаланылатын болады.
