Бөкетов атындағы Қарағанды ұлттық зерттеу университетінің командасы Freedom қолдауымен QOFA өткізген Қарағанды облысының студенттік футбол кубогын жеңіп алды, финалда Қарағанды экономика университетін (ҚЭУ) негізгі уақытта 3-3 есебімен тең ойнағаннан кейін пенальти сериясында жеңді.
Марапаттау рәсімі команда үшін ерекше есте қаларлық оқиға болды. Футболшыларды Қауымдастық өкілдерімен қатар, КарНИУ-дың бірінші курс студенттерін қабылдауға арналған салтанатты шараға жиналған мыңдаған студент қошеметпен қарсы алды. Мұндай қолдау футболдың университет өмірінде маңызды орын алатынын айқын көрсетті.
Облыстық кубоктағы жеңіс университет командасына студенттер арасындағы Қазақстан Республикасының чемпионатында Қарағанды облысының атынан өнер көрсету құқығын берді. Команданың республикалық жарысқа баруына байланысты барлық шығынды QOFA өз мойнына алады.
Студенттер футболын қолдау — Қауымдастық жұмысының бағыттарының бірі. QOFA жас футболшылардың жарыстарда тәжірибе жинақтауына, өз оқу орындарының намысын қорғауына және жоғары деңгейдегі жарыстарға қатысуына мүмкіндік жасауға мүдделі.
