Олимпиада жұмыстарын тексеру барысында бірнеше қатысушының бірдей ұпай жинағаны анықталды. Осыған байланысты ұйымдастырушылар нәтижелері тең оқушыларға бірдей мүмкіндік беру үшін жеңімпаздар санын көбейту туралы шешім қабылдады.
Осылайша, олимпиада жеңімпаздары қатарынан 19 төртінші сынып оқушысы орын алды. Олардың есімдері мен нәтижелері қорытынды тізімде көрсетілген.
Енді оқушыларды Nurmakov School мектебіне түсуге арналған бір жылдық дайындық күтіп тұр. Сабақтарды мектептің қабылдау емтихандарын да өткізетін мұғалімдері жүргізеді. Бір жыл ішінде оқушылар алдағы сынақтарға дайындалып, білім деңгейін арттыра алады. Дайындық аяқталғаннан кейін олар қабылдау емтихандарын тапсырады. Емтихан нәтижелері олардың мектепке қабылдану мүмкіндігін анықтайды.
Олимпиада жеңімпаздары үшін бұл — Nurmakov School мектебіне түспей тұрып, оның мұғалімдерінің жетекшілігімен білім алуға мүмкіндік. Алайда дайындық бағдарламасына қатысу мектепке қабылдануға кепілдік бермейді. Түпкілікті шешім қабылдау емтихандарының нәтижелеріне байланысты болады.



