Игорь Шацкий оқушыға айналды!
№19 мектепте өзін-өзі басқару күні қалай өтті?
Қарағанды қаласындағы №19 жалпы білім беретін мектеп мұғалімдер күнін ерекше атап өтті – 4-сынып оқушылары мен дене шынықтыру пәні мұғалімдері бір күнге орындарымен алмасты.
Балалар бұған дейінгі сабақтардан жинаған тәжірибелерін қолданып, бапкер рөлін атқарса, ұстаздар шәкірттердің нұсқауларын ықыласпен орындады. Ашық сабақтың арнайы қонағы Қазақстан құрамасының қақпашысы Игорь Шацкий болды.
«Мен үшін бұл өте бақытты сәт. Өзімді мектеп кезіме оралғандай сезіндім. Оқушыларға алғыс айтамын, бізге футбол сабағын өткізіп, қуаныш пен көтеріңкі көңіл сыйлады. QOFA – Қарағандының болашағын қалыптастырып жатыр, ал ALGA! жобасы соның айқын бейнесі»
Игорь Шацкий, Қазақстан құрамасының қақпашысы
Айта кетейік, №19 мектеп – QOFA іске қосқан мектептік ALGA! жобасының алғашқы он қатысушысының бірі. Жоба аясында бастауыш сынып оқушыларына футбол сабағы жүргізілсе, жоғары сынып оқушылары арнайы секцияларға қатысады.
Сонымен қатар, оқу орындары жаңа спорттық жабдықтармен қамтамасыз етіліп, мұғалімдер арнайы оқытудан өтті. 2029 жылға дейін QOFA Қарағанды облысындағы 100-ден астам мектеп пен балабақшаны қамтып, 40 000-нан астам баланы футболға тартуды көздеп отыр.
Басқа жаңалықтар
ALGA! жобасының оқушылары республикалық футбол турниріне қатысты
Қарағанды қаласындағы №19 мектептің оқушылары 1–5 маусым аралығында Астанада өткен «Балдаурен» республикалық футбол турниріне қатысты.
XXV қалалық «Жаңа буын» футбол турнирі өз мәресіне жетті
Қарағанды қаласындағы Назарбаев Зияткерлік мектебінде өткен жарысқа өңірдің 21 мектебінен 2011–2012 жылы туған жасөспірімдер командалары қатысты.
Қарағандыда оқушылар арасында алғашқы ALGA! футбол турнирі өтті
Жарыс Әлімхан Ермеков атындағы мектеп-лицейінде ұйымдастырылып, оған ALGA! жобасына қатысушы мектептердің 3–4 сынып оқушыларынан құралған 8 команда қатысты.
Қарағандыда жаңа арт-нысанның авторлары марапатталды
ALGA! жобасы аясында ұйымдастырылған мурал эскиздерінің ашық байқауы өз мәресіне жетті.
