Саран қаласындағы «Сұңқар» стадионында Freedom ALGA! мектеп фестивалі өтті
Фестивальға Қарағанды облысының мектептерінен 3–4-сыныптың 400 оқушысы, сондай-ақ ұстаздар, билік өкілдері, бизнес қауымдастығы мен қала тұрғындары қатысты.
Іс-шара футболды мектеп өміріне енгізуді көздейтін ALGA! жобасының бір бөлігі болып табылады. Жоба Қарағанды облыстық футбол ассоциациясы бастамасымен және облыс әкімдігі, Білім басқармасы, Дене шынықтыру және спорт басқармасының қолдауымен және бас демеуші Freedom Holding Corp.-тың қолдауымен жүзеге асуда.
Жоба аясында бастауыш сыныптардың оқу бағдарламасына футболға арналған жеке дене шынықтыру сабағы енгізілді, ал жоғары сынып оқушыларына арналған футбол секциялары ашылды. Мектептер заманауи спорттық жабдықтармен қамтамасыз етілді, ал дене шынықтыру мұғалімдері арнайы дайындықтан өтті.
Осы оқу жылы бағдарламаға облыстың он мектебі қатысып отыр. 2029 жылға дейін ALGA! жобасы жүзден астам білім беру ұйымын қамтып, футболға 40 мыңнан астам баланы тартуды жоспарлап отыр.
Фестиваль қарсаңында мұғалімдерге арналған семинар өткізілді.
Ал салтанатты ашылу рәсімінде өңір басшылары мен жобаның серіктестері жиналғандарға ізгі лебіздерін білдірді.
«Freedom Holding Corp.-қа және холдингтің жетекшісі Тимур Турловқа алғыс айтқым келеді. Бүгінгі фестиваль – футболды Қарағанды облысының барлық саласына енгізу бойынша бірлескен жұмыстың нәтижесі. Freedom Holding Corp.-тың қолдауымен Қарағандыда футбол академиясының құрылысы басталды. Сондай-ақ, облыстың кемінде 100 мектебінде футбол алаңдары қайта жаңғыртылады. Бұл жоба – өңіріміздің үлкен жетістіктеріне бастау алады. Бүгінгі балалардың арасынан болашақ чемпиондар шығатынына сенемін»
Әлібек Әлденей, Қарағанды облысы әкімінің орынбасары
«Freedom Holding үшін мұндай бастамаларды қолдау – жай ғана жоба емес, ол – маңызды миссия. Біз балаларға қуаныш, қауіпсіздік пен өз күшіне сенімділік сыйлайтын орта құруға тырысамыз. Бүгін 10 мектептен 400 оқушы алаңға шығып, бізге қуат, күлкі және шынайы эмоциялар сыйлады. Бұл мерекені бірге жасап отырғанымызға қуаныштымыз!»
Ардақ Елеусізов, «Фридом Банк Қазақстан» АҚ филиалының директоры
«Құрметті балалар, бүгін Қарағанды облысы әкімдігі, Freedom Holding Corp. және Тимур Турлов бірге үлкен жобаны ашып отыр. Қазақстанда алғаш рет мектеп бағдарламасына футбол енгізілді. Сіздер – бақытты жансыздар, өйткені осы жобаның алғашқы қатысушыларысыздар. Әрқайсыңыз спортшы болмасаңыздар да, футбол жүректеріңізде сақталады. Ол сіздерге әрқашан денсаулық, қуаныш пен жақсы көңіл-күй сыйласын!»
Рохус Шох, Freedom Football Group және Freedom QJ League президенті
Фестиваль барысында алаң біртұтас белсенділік аймағына айналды. Балалар топ-тобымен әртүрлі станциялардан өтіп, жаңа жаттығуларды орындап, команда болып ойнауды үйренді.
Сонымен қатар флешмобтар, эстафеталар, ойындар ұйымдастырылып, трибунада ата-аналар мен жанкүйерлердің қызу қолдауы сезілді.
Шара соңы концерттік бағдарламамен және қатысушыларды марапаттаумен түйінделді. Кештің басты хедлайнері – белгілі әртіс The Adresov болды.
Балаларға сыйлықтар табыс етілді, ал ұстаздар жаңа форматтағы футбол сабақтары туралы оң пікірлерімен бөлісті.
Фестиваль барысында ALGA! жобасының аймақтық қозғалысқа айналып келе жатқаны ерекше аталып өтті. Бұл қозғалыс балаларды да, мұғалімдерді де, бүкіл қауымды да біріктіріп отыр. Жоба қазірдің өзінде оң нәтижелерін көрсетуде: мектептегі дене шынықтыру сабақтары қызығырақ өтіп, балалар белсендірек қатысып жүр, ал педагогтар әдістемелік қолдау мен жаңа құралдарға ие болды.
Freedom ALGA! фестивалі осы еңбектің заңды жалғасы болып, футболдың тек физикалық қасиеттерді ғана емес, сонымен бірге көшбасшылықты, тәртіпті және командалық рухты қалыптастыра алатынын айқын көрсетті.
Басқа жаңалықтар
Freedom Football Manager енді мұғалімдерге де қолжетімді
QJ League цифрлық даму жөніндегі сарапшы мектептерге Freedom Football Manager платформасын таныстырды
ALGA! мектеп футбол жобасының кезекті сабағы
Бірінші Теміртау классикалық лицейінде ALGA! мектеп футбол жобасы туралы пікірлер айтылды.
Қарағандыда Әлімхан Ермеков атындағы мектепте ата-аналарға арналған футбол квизі өтті.
Іс-шара ALGA! жобасы аясында ұйымдастырылып, бұқаралық футболды дамыту мен ата-аналарды аймақтық футбол қозғалысына тартуға бағытталды.
Игорь Шацкий оқушыға айналды!
№19 мектепте өзін-өзі басқару күні қалай өтті?
