Саран қаласында Freedom ALGA! фестивалі өтеді

Күннің алғашқы бөлігі бастауыш сынып мұғалімдері мен дене шынықтыру пәні ұстаздарына арналған семинардан басталады. Бұл семинардың мақсаты – фестиваль кезінде балалардың қауіпсіздігін қамтамасыз ету, әр топты үйлестіріп қадағалау және іс-шараның сәтті өтуіне жағдай жасау.

Түстен кейін футбол алаңы балғындардың шат-шадыман дауысына толады. ALGA! жобасының 10 пилоттық мектебінен келген 3–4 сыныптың 400 оқушысы эстафеталарға қатысып, қозғалмалы ойындар ойнап, жолдастық матчтарда өздерінің ептілігі мен командалық рухын көрсетеді. Бұл сәттер балаларға да, көрермендерге де ұмытылмас әсер сыйлайды.

Күннің шарықтау шегінде үлкен концерт өтеді. Кештің басты жұлдызы — The Adresov!

Freedom ALGA! фестивалі – спорт пен шығармашылықты, қуат пен шабытты тоғыстыратын ерекше күн. Бұл мереке әрбір қатысушының жүрегінде ұзақ сақталары сөзсіз.

Өтетін орны: Саран қаласы, «Сұңқар» стадионы (Жамбыл көшесі, 61/1)

Күні мен уақыты: 2025 жылғы 13 қыркүйек, басталуы – 12:00