Қарағанды облысы Кубогының U-16 жасөспірімдер арасындағы финалы аяқталды

Сұрыптау кентінде 2010–2011 жылы туған жасөспірімдер арасында Қарағанды облысының футболдан Кубогының финалдық кездесуі өтті. Турнирге жалпы саны 8 команда қатысты: Абай, Жаңаарқа, Қарағанды, Саран және Теміртау қалаларының өкілдері бақ сынады.

Финалдық матч аса тартысты өтті және 2002/2003 жылғы Чемпиондар лигасының «Милан» мен «Ювентус» арасындағы шешуші ойынының сценарийін еске түсірді. Негізгі уақыт 0:0 есебімен аяқталып, жеңімпаз пенальти сериясында анықталды. Бұл жолы дәлдікті Теміртаудың «СДЮСШОР-2» командасы танытып, Қарағанды облысының Кубогын жеңіп алды.

Кездесу «Локомотив» спорт кешенінің стадионында өтті. Көп жылдан бері бұл нысан өңірдегі балалар мен жасөспірімдер футболының негізгі базаларының бірі. Мұнда тұрақты түрде облыстық жарыстар ұйымдастырылып, жас  спортшылар оқу-жаттығу жиындарын өткізеді.

Жасөспірімдер арасындағы Қарағанды облысының Кубогы дәстүрлі түрде QOFA қолдауымен өтіп, Freedom компаниясының демеушілігімен ұйымдастырылды.