О.В. Миляевты еске алуға арналған республикалық турнир аяқталды

Аталған жарыс спорт саласында 40 жылға жуық еңбек етіп, өңірдегі футболдың дамуына зор үлес қосқан Олег Викторович Миляевты еске алуға арналды. Ол – жасөспірімдер футболын жүйелі түрде дамытуға атсалысып, талай буын спортшының қалыптасуына жол ашқан тәжірибелі бапкер. Бүгінде оның еңбегі мен мұрасы осындай турнирлер арқылы жалғасын тауып келеді. Бәсеке ол өзі жұмыс істеген Саран қаласында өтті.

 Қатысушылар алғашқы кезеңде үш топқа бөлінді.

 А тобы:
«Саран», «Жастар Теміртау», «Абай», «ФЦВА»

В тобы:
«Ақсу», «Спарта Теміртау», «Кайрат F», «Шахан»

С тобы:
«Шахтёр», «Скаут», «ДЮСШ Пришахтинск», «СДЮШОР Теміртау»

Топтық кезең қорытындысы бойынша жартылай финалға әр топтың жеңімпаздары — «Саран», «Скаут», «Ақсу» командалары өтті. Оған қоса екінші орын алған командалар арасындағы үздік көрсеткішке ие «Шахтёр» жолдама алды.

Жартылай финалдағы кездесулер де тартысты өтті. «Скаут» пен «Саран» арасындағы матч 1:1 есебімен тең аяқталып, пенальти сериясында «Скаут» жеңіске жетті. Екінші жартылай финалда «Шахтёр» «Ақсу» командасын 6:2 есебімен ұтып, финалға шықты.

Үшінші орын үшін өткен ойында «Саран» командасы Павлодар облысының «Ақсу» ұжымын 3:2 есебімен жеңіп, қола жүлдегер атанды.

Ал финалда «Скаут» командасы «Шахтёрды» 4:1 есебімен айқын басымдықпен ұтып, турнир жеңімпазы атанды.

Турнир қорытындысы бойынша үздік ойыншылар да арнайы марапатталды:

Омаров Ерасыл («Скаут») — үздік сұрмерген

Марданов Эмиль («Шахтёр») — үздік шабуылшы

Зарипов Давид («Сарань») — үздік қорғаушы

Матвеев Андрей («Скаут») — үздік жартылай қорғаушы

Сулейменов Адиль («Сарань») — турнирдің үздік ойыншысы

Булантаев Диас («Ақсу») — үздік қақпашы

Жарыстың өтуіне QOFA мен оның демеушісі Freedom компаниясы қолдау білдіріп, жүлде қоры мен марапаттық атрибутикасын ұсынды. Жеңімпаздар мен жүлдегерлер кубок, медаль және арнайы естелік сыйлықтармен марапатталды.