Жеке клубтар мен «Шахтёр»: жас футболшыларды дамытудағы ортақ бағыт
Қарағандыда балалар мен жасөспірімдер футболындағы ынтымақтастық мәселелері қаралды
Қарағанды облыстық футбол ассоциациясы (QOFA) «Шахтёр» футбол клубымен бірлесіп Қарағанды облысындағы жеке футбол клубтарының басшылары мен жаттықтырушыларына арналған жұмыс кездесуін өткізді. Кездесудің басты мақсаты – тиімді коммуникация орнату және өңірде ойыншыларды дамытуға арналған ортақ тәсілді қалыптастыру болды.
Кездесуге Қарағанды облыстық футбол ассоциациясының (QOFA) өкілдері, жеке футбол мектептерінің басшылары мен «Шахтёр» футбол клубының жетекшілігі қатысты. Талқылау барысында клубтар арасындағы өзара байланыс, ақпарат алмасу және ойыншыларды даярлау жүйесінің қазіргі жағдайы сөз болды.
Қатысушылар қазіргі жұмыс форматтарын, ойыншыларды даярлауда жеке мектептердің рөлін, сондай-ақ кәсіби клубпен өзара байланысты күшейту мүмкіндіктерін талқылады. Ашық пікір алмасу барлық кезеңде жұмысты үйлестіруге және өзара іс-қимылдың түсінікті тетіктерін қалыптастыруға көмектесетіні атап өтілді.
«Біздің ортақ мақсатымыз – балаларды дамыту. Жеке клубтар мен “Шахтёр” футбол клубы ойыншыларды іріктеу және даярлаумен айналысады. Бірлесіп, үйлесімді жұмыс істесек, дайындықтың сапасы да арта түседі. Ең бастысы – бірде-бір дарынды баланың назардан тыс қалмауы, ал ол үшін тұрақты әрі түсінікті коммуникация қажет»
Сергей Якушин, «Шахтёр» ФК Академиясының жетекшісі
Жиын барысында балалар мен жасөспірімдер футболындағы қазіргі үдерістер талқыланып, өзара іс-қимылдың негізгі бағыттары айқындалды. Сонымен қатар, мұндай кездесулерді тұрақты түрде өткізу маңызды екені айтылып, ортақ мәселелерді бірге талқылап, бір бағытта жұмыс істеу қажеттігі атап өтілді.
«Мұндай кездесулердің маңызы зор. Жаттықтырушылар мен жеке мектептердің басшылары жиі бас қосып, өңір футболының қай бағытта дамып жатқанын түсінуі керек. Барлығымыздың мақсатымыз – балалардың дамуы мен олардың алдағы өсуі. Кездесу барысында жаттықтырушылардың қазақ тілінің базалық деңгейін білуі мәселесін де қозғадық. Бұл балалармен қарым-қатынасты жеңілдетіп, жаттығу үдерісін барынша қолайлы етеді».
Нурлан Жаметов, ЖасStars футбол клубының жетекшісі
Кездесу қорытындысы бойынша тараптар диалогты жалғастыруға дайын екендерін білдіріп, осындай жұмыс кездесулерін алдағы уақытта да тұрақты түрде өткізуді жоспарлады. Мұндай формат өңірде балалар мен жасөспірімдер футболын дамытуға қатысты көзқарастарды үйлестіруге мүмкіндік береді.
Басқа жаңалықтар
QOFA ұжымы Наурыз мерекесін ұйымдастыруға қосқан үлесі үшін марапатталды
Қарағанды қаласының әкімі Мейрам Қожухов Ассоциация мүшелерінің мерекелік іс-шараларды жоғары деңгейде өткізуге атсалысып, қала тұрғындары мен қонақтарына ерекше көңіл-күй сыйлағанын атап өтті.
Қарағандылық «Шахтёр» клубының ойыншысы KPL гранд-финалының чемпионы атанды
Қарағанды қаласындағы Серік Сәпиев атындағы бокс орталығы Қазақстан тарихындағы жаңа цифрлық спорт кезеңінің куәсі болды. Мұнда еліміздегі тұңғыш ресми ұлттық киберфутбол лигасы — eKPL алғашқы маусымының гранд-финалы өтті.
Freedom QJ League семинары: жаңа маусымға дайындық алаңы
Қазақстандағы жасөспірімдер футболын дамытуға бағытталған Freedom QJ League аясында арнайы семинар өтті.
Елордада QJ League жаңа маусымының шымылдығы ашылды
Астанада Freedom QJ League-тің жаңа маусымына арналған ресми ашылу рәсімі өтті.
