Ұстаздарға футбол сабақтарының тәжірибесі көрсетілді
ALGA! мектептік жобасы аясында мұғалімдерге арналған балалардың қатысуымен футболдың сабағы өткізілді.
Практикалық бөлім Football Hall жабық манежінің алаңында өтті. Мұнда UEFA A-Elite санатындағы жаттықтырушылар мектеп сабақтарына енгізуге болатын жаңа әдістемелер мен ойын элементтерін көрсетті.
Ұстаздар тек бақылап қана қоймай, жұмысқа белсене араласып, әсерлерімен бөлісіп, бастауыш сынып оқушыларына арналған жаттығуларды қалай тиімді бейімдеуге болатыны жөнінде сұрақтар қойды.
«Біз мұғалімдердің осыншама ынталы екенін көріп қуандық. Олардың шынайы қызығушылығы мектептегі футболдың дамуына серпін береді, ал бұл балаларға өсуге қосымша мүмкіндік сыйлайды»
Арсен Іңкәрбеков, UEFA A-Elite санатындағы жаттықтырушы
«Бүгін ұстаздар футболдың тек ойын ғана емес, тәрбиелеу мен оқытудың құралы бола алатынына көз жеткізді. Бұл пәннің мектеп бағдарламасына қаншалықты тиімді енуі тікелей мұғалімдерге байланысты»
Дмитрий Васильев, UEFA A-Elite санатындағы жаттықтырушы
Семинар қорытындысы бойынша барлық мұғалімдерге олардың біліктілігін ресми растайтын UEFA D санатындағы лицензиялар табысталды.
Шара Қарағанды облысы әкімдігінің, сондай-ақ облыстық Білім басқармасы мен Дене шынықтыру және спорт басқармасының қолдауымен өтті.
Басқа жаңалықтар
ALGA! жобасының түлектері үлкен футболдағы алғашқы қадамдарын жасады
Әлімхан Ермеков атындағы кубоктың жеңімпазы атанған №19 жалпы білім беретін мектептің оқушылары ALGA! жобасының арқасында жаңа белестерді бағындыруды жалғастыруда.
ALGA! жобасының оқушылары республикалық футбол турниріне қатысты
Қарағанды қаласындағы №19 мектептің оқушылары 1–5 маусым аралығында Астанада өткен «Балдаурен» республикалық футбол турниріне қатысты.
XXV қалалық «Жаңа буын» футбол турнирі өз мәресіне жетті
Қарағанды қаласындағы Назарбаев Зияткерлік мектебінде өткен жарысқа өңірдің 21 мектебінен 2011–2012 жылы туған жасөспірімдер командалары қатысты.
Қарағандыда оқушылар арасында алғашқы ALGA! футбол турнирі өтті
Жарыс Әлімхан Ермеков атындағы мектеп-лицейінде ұйымдастырылып, оған ALGA! жобасына қатысушы мектептердің 3–4 сынып оқушыларынан құралған 8 команда қатысты.
