Қарағандыда ALGA! жобасының семинары өтті
Мұғалімдерге арналған оқыту семинары Қарағанды облысы әкімдігінің және облыстық білім басқармасымен дене шынықтыру және спорт басқармасының қолдауымен ұйымдастырылды.
Іс-шараның ашылу салтанатына облыс әкімінің орынбасары Әлібек Әлденей қатысты.
Дене шынықтыру және бастауыш сынып мұғалімдеріне арналған семинар «Космонавт» қонақүйінің конференц-залында өтті. Дәрістерді UEFA A-Elite санатындағы жаттықтырушылар Дмитрий Васильев пен Арсен Инкарбеков жүргізіп, бастауыш мектепте футболды оқытудың заманауи әдістемелерін таныстырды.
Мұғалімдерге 32 сағаттық оқу жоспарын құру, сабақ бағдарламасын жасау қағидаттары және сыныптан тыс футбол секцияларын ұйымдастыру жолдары үйретілді. Қатысушылар топтық тапсырмалар орындап, жобалар әзірлеп, тәжірибе алмасты.
«Қарағандыны футболдың бесігі десек, артық айтқандық емес. Сондықтан облыс әкімдігі Freedom компаниясымен бірлесіп, осы спорт түрін дамытуға басымдық беріп отыр. Бүгінгі семинардың басты мақсаты — футболды насихаттауға бағытталған жобаны сәтті жүзеге асыру. Футбол — бұл жай ғана ойын емес, бұл қозғалыс пен шынығу мектебі, мінез тәрбиесінің құралы әрі қоғамды біріктіретін күш»
Әлібек Әлденей, Қарағанды облысы әкімінің орынбасары
Семинар өңір мектептерінде дене шынықтырудың үшінші сабағын алғаш рет футбол түрінде енгізуге мұғалімдерді дайындауда маңызды қадам болды.
Басқа жаңалықтар
ALGA! жобасының түлектері үлкен футболдағы алғашқы қадамдарын жасады
Әлімхан Ермеков атындағы кубоктың жеңімпазы атанған №19 жалпы білім беретін мектептің оқушылары ALGA! жобасының арқасында жаңа белестерді бағындыруды жалғастыруда.
ALGA! жобасының оқушылары республикалық футбол турниріне қатысты
Қарағанды қаласындағы №19 мектептің оқушылары 1–5 маусым аралығында Астанада өткен «Балдаурен» республикалық футбол турниріне қатысты.
XXV қалалық «Жаңа буын» футбол турнирі өз мәресіне жетті
Қарағанды қаласындағы Назарбаев Зияткерлік мектебінде өткен жарысқа өңірдің 21 мектебінен 2011–2012 жылы туған жасөспірімдер командалары қатысты.
Қарағандыда оқушылар арасында алғашқы ALGA! футбол турнирі өтті
Жарыс Әлімхан Ермеков атындағы мектеп-лицейінде ұйымдастырылып, оған ALGA! жобасына қатысушы мектептердің 3–4 сынып оқушыларынан құралған 8 команда қатысты.
