№19 жалпы білім беретін мектепте ALGA! жобасы аясында футбол сабағы өтті
Оқушылар финттерді үйреніп, командалық жұмысқа машықтанып, сабақты көтеріңкі көңіл-күймен өткізді.
Бүгін Қарағанды қаласындағы №19 орта мектепте ALGA! жобасы аясында футбол сабағы өтті. Бұл сабақ балалар үшін жай ғана жаттығу емес, қозғалыс пен командалық рух мерекесіне айналды.
Сабақты жобаның инструктор-кураторы жүргізді. Балалар координацияға арналған жаттығулар орындап, дриблинг тәсілдерін, финттер мен қарсыласын алдап өту әдістерін үйренді. Сабақ соңында ұлдар мен қыздар шағын ойын өткізіп, жаңа дағдыларын көрсетті.
Барлық кезеңде қауіпсіздік ережелері қатаң сақталды. Мұғалімдер әрбір қимылды бақылап, балалардың жарақат алмауын жіті қадағалады. Ойын алаңында достық пен шаттық атмосферасы орнап, балалар қуанышқа бөленді.
Дене шынықтыру пәнінің мұғалімі Дархан Айтқазиев өз ойымен бөлісті.
«Балалар футбол сабағын ерекше қуанышпен қабылдады. Көздерінен шаттық пен ынта-жігер байқалды. Олар мұндай сабақтарды аптасына бір рет емес, одан да көп өткізуді қалайды»
Дархан Айтказиев, дене шынықтыру пәнінің мұғалімі
ALGA! жобасы Қарағанды облыстық футбол ассоциациясының (QOFA) ұйымдастыруымен, Қарағанды облысы әкімдігінің, Білім басқармасының және Дене шынықтыру және спорт басқармасының қолдауымен жүзеге асырылып жатыр. Бас демеуші — Freedom Holding Corp.
Басқа жаңалықтар
ALGA! жобасының түлектері үлкен футболдағы алғашқы қадамдарын жасады
Әлімхан Ермеков атындағы кубоктың жеңімпазы атанған №19 жалпы білім беретін мектептің оқушылары ALGA! жобасының арқасында жаңа белестерді бағындыруды жалғастыруда.
ALGA! жобасының оқушылары республикалық футбол турниріне қатысты
Қарағанды қаласындағы №19 мектептің оқушылары 1–5 маусым аралығында Астанада өткен «Балдаурен» республикалық футбол турниріне қатысты.
XXV қалалық «Жаңа буын» футбол турнирі өз мәресіне жетті
Қарағанды қаласындағы Назарбаев Зияткерлік мектебінде өткен жарысқа өңірдің 21 мектебінен 2011–2012 жылы туған жасөспірімдер командалары қатысты.
Қарағандыда оқушылар арасында алғашқы ALGA! футбол турнирі өтті
Жарыс Әлімхан Ермеков атындағы мектеп-лицейінде ұйымдастырылып, оған ALGA! жобасына қатысушы мектептердің 3–4 сынып оқушыларынан құралған 8 команда қатысты.
