Теміртауда ALGA! жобасы аясында футбол сабағы өтті
Мұғалімдер өздері сабақ өткізіп, балалар спорт әлемін жаңа қырынан танып жатыр
Бүгін Теміртау қаласындағы Бірінші классикалық лицейінде Қарағанды облыстық футбол ассоциациясының бастамасымен жүзеге асып жатқан ALGA! жобасы аясында кезекті футбол сабағы өтті.
Бұл жолы біздің инструктор-куратор тек шеттен бақылап, кей сәттерде ғана кеңестер берумен шектелді. Арнайы дайындықтан өткен мұғалімдер сабақтарды өздері жүргізіп, жаңа әдістерді қолданып, балаларды футболға баулуда.
Педагогтарға арналған әдістемелік құралдар дайындалды. Сонымен қатар инструктор-куратор Жәнібек Аллабергенов алдағы уақытта да ұстаздарға қолдау көрсетіп, сабақтарға қатысуды жалғастырады.
«Бұл біз үшін үлкен қадам. Бізге заманауи жабдықтар берілді, жаңа әдістемелік құралдар дайындалды. Енді сабақтар әлдеқайда қызықты өтуде, балалар үлкен ынтамен ойнайды. Ал мұғалімдер үшін, тәжірибе алмасып, кәсіби тұрғыдан өсуге тамаша мүмкіндік»
Ержан Хомутов, дене шынықтыру пәнінің мұғалімі
ALGA! жобасы Қарағанды облыстық футбол қауымдастығының бастамасымен жүзеге асуда. Жобаға облыс әкімдігі, Білім басқармасы және Дене шынықтыру және спорт басқармасы толықтай қолдау көрсетуде. Жобаның басты демеушісі – Freedom Holding Corp.
Басқа жаңалықтар
XXV қалалық «Жаңа буын» футбол турнирі өз мәресіне жетті
Қарағанды қаласындағы Назарбаев Зияткерлік мектебінде өткен жарысқа өңірдің 21 мектебінен 2011–2012 жылы туған жасөспірімдер командалары қатысты.
Қарағандыда оқушылар арасында алғашқы ALGA! футбол турнирі өтті
Жарыс Әлімхан Ермеков атындағы мектеп-лицейінде ұйымдастырылып, оған ALGA! жобасына қатысушы мектептердің 3–4 сынып оқушыларынан құралған 8 команда қатысты.
Қарағандыда жаңа арт-нысанның авторлары марапатталды
ALGA! жобасы аясында ұйымдастырылған мурал эскиздерінің ашық байқауы өз мәресіне жетті.
Саранда шағын футболдан қысқы біріншілік мәресіне жетті
Саран қаласында 2025–2026 жылғы маусымдағы Қарағанды облысының шағын футболдан қысқы біріншілігінің салтанатты жабылу рәсімі өтті.
