QOFA Виктор Иванович Бобровтың өмірден өтуіне байланысты көңіл айтады

Қарағанды облыстық футбол ассоциациясы  республикалық санаттағы төреші Виктор Иванович Бобровтың қайтыс болуына байланысты терең қайғыра көңіл айтады. Ол өңірдегі төрешілер корпусының ардагерлерінің бірі еді.

Оның есімі адал әрі әділ төрешіліктің символына айналды. Виктор Иванович екінші лига мен КСРО чемпионатының буферлік аймағындағы матчтарды, республика және облыс біріншіліктерінің ойындарын, сондай-ақ халықаралық кездесулерді басқарды. Оның кәсібилігі мен сабырлылығы футболшылар мен бапкерлердің, әріптестерінің зор құрметіне ие болды.

Футбол оның бүкіл ғұмырының мәніне айналды -  20-шы шахта маңындағы аула ойындарынан бастап, матч инспекторы әрі жас төрешілердің тәлімгері болған кезеңге дейін. Ол өз ісіне адал болып, тәжірибесі мен құндылықтарын кейінгі ізбасарларға аманат етті.

Виктор Иванович Бобровтың жарқын бейнесі Қарағанды спортының тарихында және оны таныған жандардың жүрегінде мәңгі сақталады.

QOFA басшылығы мен ұжымы марқұмның туған-туыстары мен жақындарына шынайы көңіл айтады. Орны толмас қазаға байланысты қайғыларыңызға ортақпыз.