Футзалдан ашық Freedom-біріншілігі: 2-тур қорытындысы

Өткен демалыстарда Қарағандыда 2025–2026 жылғы маусымдағы облыстық «Футзалдан ашық Freedom-біріншілігі» екінші турда қызықты әрі нәтижелі ойындар өтті. Бұл турнирге кәсіпорындар, ұйымдар, оқу орындары, коммерциялық құрылымдар және спорт клубтарының командалары қатысуда.

Әр тур сайын жарысқа қызығушылық артып келеді: командалар жоғары дайындық көрсетіп, жанкүйерлер алаңда шынайы спорттық атмосфера қалыптастырады.

Екінші турда Жоғарғы лигада бірқатар нәтижелі және жарқын кездесулер өтті. «Локомотив-КАЗПРОФТРАНС» ойыншылары МФК «Горняк» клубын 11:6 есебімен жеңіп, шабуылдағы сенімді ойынын және команда арасындағы тамаша үйлесімділігін көрсетті. МФК «Тулпар-1» динамикалық әрі әсерлі кездесуде «Интеграция-МТС» командасын 9:4 есебімен жеңсе, «AVTOKING» жеңістер сериясын жалғастырып, кестедегі көшбасшылығын нығайтты. 

Қазіргі таңдағы ең үздік сұрмергендер — Владимир Вольман (МФК «Тулпар-1») және Сергей Лунев («Wooppay») — әрқайсысы 6 голдан соқты.

Бірінші лигада да таңғаларлық нәтижелер болды. Бірнеше команда турнир кестесінің жоғарғы орындары үшін тығыз ойындар жүргізуде.

«Valua» (Қарағанды) командасы екінші турда сенімді жеңіске жетіп, көш бастап тұр. Сондай-ақ «KROSSFIN», «AR-NAMIS» және «KKZ» командалары да қалыспай тізімнің жоғарғы сатысында тізгін ұстап тұр. Ойындар тартысты өтті, ал көрермендер көптеген әсерлі голдар мен әдемі комбинацияларға куә болды.

Бірінші лиганың ең үздік бомбардирі — Рустам Висингириев («Valua») — 7 голмен.