Тимур Турлов «Парасат» орденімен марапатталды

Солардың қатарында Freedom Holding Corp. бас атқарушы директоры Тимур Турлов бар.Тимур Турлов – қаржы және инвестиция саласындағы белді кәсіпкер, сондай-ақ қоғамдық және спорттық жобаларды қолдаушы ретінде танымал. Ол Қарағанды облыстық футбол ассоциациясының (QOFA) президенті, Freedom QJ League Қамқоршылық кеңесінің төрағасы, Қазақстан шахмат федерациясының президенті және «Шахтер» футбол клубының иесі.

Марапат экономика, әлеуметтік сала және мемлекеттік басқаруды дамытуға, құқық пен қоғамдық тәртіпті нығайтуға қосқан үлесі үшін берілді. Тимур Турловтың бастамалары инвестициялық жобаларды дамытуға, жастар мен спортшыларды қолдауға, сондай-ақ интеллектуалды спорт түрлері мен футболды ілгерілетуге бағытталған. Оның қолдауымен елімізде халықаралық деңгейдегі жарыстар өткізіліп, спортшылар жүздеген медаль жеңіп алды. Сонымен қатар, Қарағанды өңірінде заманауи футбол академиясы, 3500 орындық стадион және басқа да спорт инфрақұрылымдары салынуда.

Айта кетейік, осы шарада Әділет министрі Ерлан Сәрсембаев, «ҚазМұнайГаз» АҚ басқарма төрағасы Асхат Хасенов, «Қазақстан темір жолы» АҚ басқарма төрағасы Талгат Алдыбергенов және мәдениет және ақпарат бірінші вице-министрі Қанат Ысқақов та «Парасат» орденімен марапатталды.