Үштөбеде ALGA! жобасының алғашқы футбол сабағы өтті
Үштөбе ауылында ALGA! мектептік футбол жобасы ресми бастау алды. Опорлық мектептің базасында бастауыш сынып оқушылары үшін алғашқы сабақ ұйымдастырылды.
Балалар жаңа жаттығуларды қызығушылықпен орындап, алаңға ерекше ынтамен шықты. Сабақты өткізу үшін мектеп заманауи спорттық құрал-жабдықтармен қамтамасыз етілді: футбол доптары, жейделер және барлық қажетті инвентарь берілді.
Үштөбе тірек мектебінің директоры Сәуле Артықбаева бұл жобаның балалар үшін үлкен қуаныш сыйлағанын атап өтті.
«Оқушылар көптен бері осындай мүмкіндікті күтті, енді оларда мектеп ішінде футболмен тұрақты түрде айналысуға барлық жағдай бар. Біз инвентарь алдық, әдістемелік қолдау көрсетілді және балалардың алаңға үлкен құлшыныспен шыққанын көріп отырмыз. Бұл біз үшін үлкен көмек әрі мектеп оқушылары арасында спортты дамытуға тамаша мүмкіндік»
Сәуле Артықбаева, Үштөбе тірек мектебінің директоры
Сабақтың әдістемелік бөлімін жобаның инструктор-кураторы, UEFA C санатындағы жаттықтырушы Жәнібек Аллабергенов өткізді. Ол футболдың әр балаға қолжетімді болуы маңызды екенін атап өтті.
«Біз сабақтарды ұлдар мен қыздар тең дәрежеде ойнайтындай етіп құруды үйретеміз. Футболда бөліну жоқ — бұл барлығына арналған ойын. Әр бала осы ойында қуаныш пен сенімділікті таба алады. Біздің жобаның мәні дәл осында»
Жәнібек Аллабергенов, ALGA! жобасының инструктор-кураторы
Мектеп мұғалімдері қазірдің өзінде UEFA D лицензиясына ие, сондықтан алдағы уақытта футбол сабақтарын өздері жүргізетін болады. Сонымен қатар, Жәнібек Аллабергенов педагогтарды тек әдістемелік тұрғыдан қолдап қана қоймай, сабақтарға мерзімді түрде келіп, футбол алаңында да көмек көрсететін болады. Бұдан бөлек, мұғалімдерге арнайы оқу жоспарлары мен материалдар ұсынылады.
ALGA! жобасы Қарағанды облыстық футбол ассоциациясының (QOFA) бастамасымен, Қарағанды облысы әкімдігінің, Білім басқармасының және Дене шынықтыру және спорт басқармасының қолдауымен жүзеге асуда. Жобаның бас демеушісі — Freedom Holding Corp.
Басқа жаңалықтар
Ескі залдан — шабыт алаңына: ALGA! жобасы балалар спортына жаңа серпін сыйлады.
Қарағандыда ALGA! жобасы аясында белсенділік танытып, жоғары нәтиже көрсеткен Әлімхан Ермеков атындағы мектеп-лицейіне ерекше сый жасалды.
Таптаурындарға қарсы тайталас
Жеңістің артында тек әсерлі ойын ғана емес, жүйелі жұмыс жатыр. Сұхбат барысында бапкер ойыншылардың мінезі қалай қалыптасатынын және өңірде әйелдер футболы қалай дамып келе жатқанымен бөліседі.
Freedom Futsal BFL жаңа кезеңі: Қарағандының жас таланттары алаңға шықты
Қарағанды облыстық футбол ассоциациясы Freedom Holding Corp. компаниясының қолдауымен Freedom Futsal BFL жобасының жаңа кезеңін бастады.
FREEDOM – NAURYZ CUP 2026: Қарағандыда жас футболшылар додасы өтті
20–22 наурыз аралығында Қарағанды облысының жас футболшылары жеңіс үшін тартысқа түсіп, әрбір матч көрерменге ерекше сәттер сыйлады. Кім үздік атанды және болашақ жұлдыздар өздерін қалай көрсетті?
