ҚОФА Жаңалық
Карағанды облыстық футбол Ассоциациясы
info@qofa.kz
Ассоциациясы

Владимир Асылбаевты еске алуға арналған ашық қалалық турнирі

Турнир биыл да өз дәстүрін сақтап, маңыздылығын және жоғары спорттық деңгейін айқын көрсетті

Владимир Асылбаевты еске алуға арналған ашық қалалық турнирі

Қарағандыда 2016–2017 жылғы жасөспірімдер арасында КСРО спорт шебері Владимир Мауленұлы Асылбаевты еске алуға арналған ашық қалалық футбол турнирі өз мәресіне жетті. Бұл турнир жыл сайын өңірдің мықты командаларын жинап, қаладағы балалар футболындағы маңызды жарыстардың біріне айналған.

DSC08435

Биыл жарысқа сегіз команда қатысты: Қарағанды, Теміртау-1, Теміртау-2, Сарань-1, Сарань-2, Абай, Пришахтинск және «Шахтёр-2017». Ойындар 24–27 қараша аралығында топтық кезең, плей-офф және финалдық кезең форматында өтті.

DSC08530

«Мұндай жарыстар балалар футболының дамуына үлкен әсер етеді, себебі олар балаларға мүлде басқа тәжірибе береді - тек жаттығу ойындары емес, жаңа қарсыластармен кездесу, эмоциялар және жаңа талаптар. Турнир он бес жылға жуық уақыттан бері өткізіліп келеді және пандемия кезіндегі үзіліске қарамастан, дәстүрге айналған. Болашақта бұл жарыс жалғасып, әрі қарай дамытылады»

Пётр Асылбаев, КСРО спорт шебері, футбол ардагері

Алғашқы ойын күндері командалардың жақсы дайындықпен келгені байқалды. Екі топта да тартысты ойын өрбіді: көптеген матчтардың тағдырын бір-екі сәт шешті

Жас футболшылар тек техника мен жылдамдықты ғана емес, нағыз қайсарлықты да көрсетті. Командалар ойынды соңына дейін тастамай, бар күштерімен ойнады.

DSC08496

26 қарашада плей-офф кезеңінің матчтары өтіп, финалға шығатын жұп командалар анықталды. Ал 27 қарашадағы қорытынды ойындар турнирдің жалпы нәтижесін шығарды.

DSC09053

Жарыс нәтижесі: 

1-орын — Қарағанды қаласы

2-орын — Теміртау-1

3-орын — Абай және Теміртау-2

DSC08540

«Бірінші кезекте балаларға футболды сүюді үйретуге тырысамыз. Екіншісі — еңбекқорлық. Еңбексіз футболшы шықпайды. Балалармен жұмыс істеудегі ең жағымды нәрсе — ол балалардың өздері. Олармен жұмыс істеу қызық, әрқайсысының өсіп, жақсы адам болғанын қалайсың. Қиындықтар да бар. Қазіргі балалар — басқа буын: гаджеттерге көп уақыт бөледі. Біз оларды соның бәрінен аздап алыстатып, далада көбірек қозғалып, футбол ойнауға үйретеміз. Балаларға тек сәттілік және бапкердің нұсқауын орындауды тілеймін»

Олег Закченский, Владимир Асылбаев атындағы футбол орталығының жаттықтырушысы

Турнир КСРО спорт шебері Владимир Мауленұлы Асылбаевты еске алуға арналған. Ол — өз дәуірінің ең мықты футболшыларының бірі, Қарағанды «Шахтёр» клубының тәрбиеленушісі, «Қайрат» құрамасының ойыншысы, капитан, халықаралық деңгейдегі жүлделі ойындардың қатысушысы. Бұл турнирдің жыл сайын өткізілуі — спорт тарихына құрмет пен жас буынға үлгі болудың маңызды белгісі.

Басқа жаңалықтар