«НОДА» командасына жаңа спорттық форма табысталды
Команда парафутбол турнирлеріне қатысуды жалғастырып, алдағы ойындарға дайындалып жатыр
Тірек-қимыл аппараты бұзылған жас спортшылар Қарағанды облысында адаптивті футболды дамыту жобасы аясында жаттығады. Бағдарламаға №2 арнайы мектеп-интернатының оқушылары, сондай-ақ арнайы қолдауды қажет ететін балалар қатысады. Жаттығулар UEFA бағдарламалары бойынша даярлықтан өткен бапкерлердің жетекшілігімен өтеді.
Жобаның жүзеге асуы барысында команда алғашқы ойын тәжірибесін жинап, республикалық жарыстарға қатысты. Жыл ішінде спортшылар Парафутболдан Қазақстан Республикасының чемпионатында және UNI Football League инклюзивті турнирлерінде ойын көрсетті.
Команда үшін ең маңызды шаралардың бірі – UEFA қолдауымен Қазақстан футбол федерациясының «Футбол үйінде» өткен Para Football Bestival болды. Бұл турнир «НОДА» үшін ерекше кезеңге айналды — басқа командалардың деңгейін байқап, алдағы жаттығуларға қосымша мотивация алуға мүмкіндік берді.
Сонымен қатар, Қарағанды облыстық футбол ассоциациясы (QOFA) командаға жаңа спорттық форма табыстады. Бұл жиынтық жаттығуға арналған, ал алдағы матчтарға команда барынша жайлы түрде дайындала алады.
«Балалар үлкен қуаныш пен ерекше эмоция алды. Енді алдағы турнирлер мен жарыстарға біз біртұтас команда ретінде — Қарағандының өз белгісімен шығатын боламыз. Бұл бізге еңбек етуге, өсіп-өрлеуге және жаңа белестерге ұмтылуға зор мотивация береді. Өйткені жетілуге әрқашан мүмкіндік бар»
Виталий Редькин, «НОДА» командасының жаттықтырушысы
Алдағы уақытта «НОДА» командасы 6 желтоқсанда «Шахтёр» футбол клубының базасында өтетін «Астана» – «Қарағанды» жолдастық матчына қатысады. Ойынға Астанадан жас спортшылар, олардың жаттықтырушылары және UNI Football League өкілдері келеді. Бұл матч балалар үшін жаңа тәжірибе жинауға және футболдағы дамуын жалғастыруға себеп болады.
«Астанада олар бізді жеңген еді, есімізде. Енді жауап беретін уақыт келді. Бұл — біздің алаң. Жеңіске жетеміз деп үміттенеміз. Жаңа бастап жүрген футболшыларға айтатынымыз: ең бастысы — тәртіп. Дәл тәртіп ойыншыны күшейтеді және команданы жеңістерге жетелейді»
Анатолий Федоровский, «НОДА» командасының капитаны
Матч балалар мен инклюзивті футболды дамыту, сондай-ақ аймақтар арасындағы тәжірибе алмасу мақсатында ұйымдастырылады. Жас спортшылар үшін бұл — жаңа ортада ойнап, басқа өңірдің қарсыластарымен тәжірибе бөлісуге тамаша мүмкіндік.
Басқа жаңалықтар
Жеке клубтар мен «Шахтёр»: жас футболшыларды дамытудағы ортақ бағыт
Қарағандыда балалар мен жасөспірімдер футболындағы ынтымақтастық мәселелері қаралды
Виктор Илларионович Вовктың 90 жылдық мерейтойы
Қарағанды облысындағы бұқаралық спорттың қалыптасуында тұрған тұлға
Phygital QOFA
Фиджитал форматтағы балаларды қолдау
Қарағандыда кәсіби футболды дамытуға бағытталған ұзақ мерзімді әріптестік бекітілді
Freedom Holding Corp. пен Қарағанды облысының әкімдігі өңірде кәсіби футболды дамытуға бағытталған ұзақ мерзімді меморандумға қол қойды.
